ქ. ბათუმის №2 საჯარო სკოლაში ბავშვთა ომბუდსმენის ინსტიტუტი დაარსდა და სკოლის პირველი ომბუდსმენი აირჩიეს.

 

ქ. ბათუმის №2 საჯარო  სკოლაში  ბავშვთა ომბუდსმენის ინსტიტუტი დაარსდა და სკოლის პირველი ომბუდსმენი აირჩიეს

იდეის ავტორმა, სულისჩამდგმელმა და ჩვენი სკოლის პირველმა არჩეულმა ბავშვთა ომბუდსმენმა, გეოგრაფიის, მათემატიკის, ქართული ენის, ინგლისური ენის, რუსული ენის, ბუნებისმეტყველების, სამოქალაქო განათლების მენტორმა მასწავლებელმა ანა ანუშიძემ სასკოლო საზოგადოების და მოწვეული სტუმრების წინაშე წარადგინა სკოლაში ბავშვთა ომბუდსმენის უფლება - მოვალეობები, დებულება, მიზნები, ამოცანები და სამომავლო გეგმები.

ღონისძიებაზე მოხსენებებით გამოვიდნენ სასკოლო საზოგადოების წევრები, მშობლები და მოსწავლეები, სკოლის მოსწავლეთა თვითმართველობის წევრები და მშობელთა კომიტეტის წევრები.

შეხვედრაზე დაიგეგმა არაერთი მნიშვნელოვანი სამომავლო პროექტი!

ანა ანუშიძე

23 აპრილი, 2024 წ.

წიგნის და საავტორო უფლებების დაცვის საერთაშორისო დღე!

 

წიგნის და საავტორო უფლებების დაცვის საერთაშორისო დღე!

ა(ა)იპ ქ. ბათუმის წმინდა ანდრია პირველწოდებულის სახელობის სკოლაში წიგნის და საავტორო უფლებების დაცვის საერთაშორისო დღე აღინიშნა!

პროექტული სწავლების ფარგლებში XI კლასის მოსწავლეებმა დაამზადეს საინფორმაციო ბარათები, თემაზე „პლაგიატის გამოვლენის 10 შემთხვევა“.

VII - IX კლასის მოსწავლეები გაეცნენ საქართველოს კანონს საავტორო და მომიჯნავე უფლებების შესახებ.

შეასრულეს პრაქტიკული სავარჯიშოები პატენტის, გამოგონების და სასარგებლო მოდელის თემატიკაზე.

ამოხსნეს სახალისო ამოცანები სხვადასხვა სახის პლაგიატის ამოცნობასთან დაკავშირებით.

ანა ანუშიძე

23 აპრილი, 2024 წ.